Autocad me Layer Kya Hai?

Question:

Autocad me Layer Kya Hai?

Answer:

Autocad me layer ek aesa feature hai jiski madad se drawing ke kisi layer par bane saare object par ek sath action kiya ja sakta hai, jaise ki maan lijiye ek house plan ki drawing hai jisme walls, windows, floor, stair, furniture etc. banayi gayi hain agar ye drawing layer features ko istemal karke banaayi gayi hain aur hum ye chahte hain ki is house plan ke saare furniture ko hide kar de’n aur jab jaroorat ho fir wapas unhide kar de’n iske liye layer me jaake furniture wale layer ko off kar dena hoga iske baad saare furniture house plan se hide ho jayenge aur wo ye furniture drawing se delete bhi na karne padenge.

Iske sath-sath kisi bhi layer ke color, line thickness, color opacity etc. ko bhi change kiya jaa sakta hai.

Agar hum ye chahte hain ki drawing ka koi hissa dikhe par print karte waqt wo hissa print na ho to iske liye layer feature ka use kiya jaa sakta hai.

Agar hum ye chahte hain ki drawing ka koi hissa dikhe par usme koi editing na ho sake iske liye layer feature me jaake us layer ko lock kar dene se us layer par bane kisi bhi element ya object ko edit karne se roka ja sakta hai.